19 di yüni 2010 Bonairiaanse Jeugdzorg a organisá aktividat pa dia di tata ku a tuma lugá na sentro di bario Antriol.
E aktividat a kuminsá 9:30 di mainta i e tèrminá banda di 1:30 di mèrdia. Tabata tin mamanan, primunan i tambe oma presente ku a bini ku un mucha na e aktividat. Meta di aktividatnan pa dia di tata ta pa; motivá i inspirá mama i yu su kreatividat i pasa tempu agradabel huntu, trahando algu pa nan ser kerí. Si akaso e mama di un òf otro motibu no por a bini ku su yu anto un otro miembro di famia por a kompaña e yu na e aktividat.
Pa dia di tata e muchanan a kose un yabero di kanvas ku nan potrèt aden pa regalá nan tata! Nos mester bisa aunke ku tabata hasi hopi kalor tur hende a traha hopi duru pa a keda kla ku nan yabero. Tambe tabata posibel saka potrèt i print uit pa pone den e yabero. Naturalmente nan a haña ayudo di nan mama, primu i wela ku nan a bini kuné. Tambe nan por a traha nan mes karchi pa skirbi di kurason tur loke nan kier a bisa nan tata stima!!
Bonairiaanse Jeugdzorg kier a yama danki na su boluntarionan ku a yuda pa ku e aktividat aki i tambe fundashon Ayudo i prevenshon pa finansiamentu di e aktividat di dia di tata.
Tur hende a keda sumamente kontentu ku nan bela ku nan a traha pa regalá nan TATA STIMA.
Dia di tata